اما تفتح عينك تلاقي نفسك عايش في واقع مش عايزه
اما تتمني ترجع لزمن جميل عشته 
اما تفتكر انسان غالي راح وعارف انك مش هترجع تشوفه
اما تشعر انك وحيد 
اما تبص في المرايه متعرفش نفسك 
اما تنادي بصوت عالي ومحدش يسمعك
اما تحس بالظلم ومش قادر تعمل حاجه (وكلنا حسينا كده مع امام النجمي)
اما تتضطر انك تغير بعض مبادي حياتك عشان تتكيف مع الحياه الوقتي
اما تتضطر انك تعمل حاجه انت متاكده انها مش مناسبه ليك 
اما تنحني لعاصفه عشان متشيلكش من مكانك وترجعك للصفر
اما تسلم علي ايد عارف مدي تلوثها
اما تحس ان الحياه فرضت عليك ناس تعيش معاها
اما تغمض عينك علي حلم جميل وتفوق منه علي وهم
اما تلاقي اللي حوليك بدا يتلوث ويتغير ويبقي اوحش من اللي قبله 
اما تلاقي نفسك مع الوقت بدات تتخلي عن احلامك حلم ورا حلم
اما تتضحك بصوت عالي عشان تتداري دمعه في عيونك
اما تلبس قناع الفرح وانت في قمه الحزن 
اما تحس انك السبب في ظلم انسان حتي لو غصبن عنك
يا ريت كلكم تردوا تقول ايه اكتر احساس ممكن يتعبكم ويوجعكم
الرئيسية 
