تغطية كأس العالم لكرة اليد

فاز منتخب ألمانيا المستضيف على نظيره البرازيلي
27-22

وان شاء الله بكره متش مصر الساعه 7مساء على الجزيره الرياضيه

ادعولنا نعدى بقى من اسبانيا

يارب

للأسف ياشباب حصل اللي كنت خايف منه

انتهت المباراة بفوز منتخب اسبانيا بطل العالم على منتخبنا الوطني بنتيجة

33-29

بس انا مش عارف اللي حصل ايه

يعني هما متقدموش علينا ولا مره لحد احنا ما وصلنا الفارق الي 3نقط

بعدها منتخبنا ريح اوي

وقدر منتخب أسبانيا انو يتعادل وبعدين وسع الفارق

بس أطمنكو من اللي انا شايفو ان ان شاء الله منتخب مصر دهو هيعمل احسن من كده في البطوله دي

أو على الأقل ده أملي

وإن شاء الله هبقى احط نتايج باقي المباريات بتاعت النهارد

.

.

.

ودمتم

ااااااااااااااااااااااه

كنا احسن والله وكنا اقرب للفوز بس الحمد لله

دي بقية النتايج بتاعت النهارده
التشيك37-23قطر
كرواتيا35-22المغرب
أيسلندا 45-20أستراليا
روسيا32-32كوريا الجنوبيه
سلوفينيا35-21جزر جرين لاند
فرنسا32-21أوكرانيا
أسبانيا33-29مصر
النرويج41-13أنغولا
بولندا29-15الأرجنتين
تونس34-23الكويت
المجر30-29الدنمارك

ومتنسوش متش مصر يوم الأحد
الساعه 7 مساء وربنا يوفقهم ويعوضو
.
.
.
ودمتم

انتهى الشوط الأول من لقاء

منتخب مصر ومنخب التشيك

بنتيجة 17-17

دعواتكم للمنتخب

ياااااااااااااارب

برده زي امبارح
كنا متقدمين عالتشيك بفارق 4 نقط
بس زي ما حصل امبارح حصل النهارده
انهيار تام بعد التقدم
وبكده اقدر اقولوكو ان مصر مش هتكمل في البطوله
هي ممكن تلعب في المراكز الترتيبيه بس
وعلى فكره المتش انتهى
التشيك31-30مصر

وبرده هبى احط باقي النتايج لما اليوم يخلص

قرف

منمهم لله

دي بقية النتايج بتاعت النهارده
البرازيل23-31بولندا
قطر18-41أسبانيا
جزر جرينلاند20-36تونس
أستراليا10-47فرنسا
المغرب19-35روسيا
الأرجنتين20-32ألمانيا
الكويت23-33سلوفينيا
أيسلندا29-32أوكرانيا
مصر30-31التشيك
كوريا الجنوبيه23-41كرواتيا
أنغولا20-39الدنمارك
النرويج22-25المجر
.
.
.
ودمتم

تقريبا كده ده القلم التانى لمصر

انتهى الشوط الأول بين الشقيقين المصري والقطري

بتقدم المنتخب المصري بنتيجة14-11

وان شاء الله نفوز بالماتش ده

لأن انا سمعت ان في حاجه اسمها كأس الرئيس الشرفية

ودي تقريبا للمنتخبات اللي بتخرج من الدور التمهيدي

الحمد لله المنتخب المصري فاز على نظيره القطري

بنتيجة35-24

وانا اتأكدت فعلا

في حاجه اسمها كأس الرئيس وان شاء الله بعد ما مباريات النهارده تخلص هبقى اكتبلكو ايه نظامها وهيبقى مين ضد مين

وألف مبروك للمنتخب المصري

مبروووووووووووووووك

اخيييييييييييييييييييييييييرا

دي بقية النتايج بتاعة المرحله الختاميه من الدور التمهيدي

بولندا 27-25 ألمانيا

أوكرانيا 37-18 أستراليا

مصر 35-24 قطر

كوريا الجنوبيه 32-19 المغرب

الكويت39-27 جرين لاند

المجر 34-31 أنغولا

الأرجنتين 22-20 البرازيل

أسبانيا 35-29 التشيك

كرواتيا 32-27 بيلاروسيا

سلوفينيا 34-27 تونس

أيسلندا 32-24 فرنسا

الدانمارك27-25 النرويج

وان شاء الله هحط الترتيب النهائي للدور التمهيدي

وجدول الدور التاني

وجدول الكأس الشرفية

بس فين التفاعل

معاك ياباشا مستنين الترتيب

ده الترتيب النهائيhttp://wch07live.ihf.info/exchange/pdf/SUMMARY.pdf

وانتظروا الباقي

الف مبروك ياجماعه وبرده مش عايزيننحمل اللعيبه اكبر من زنبهم لانهم فى الماتشين اللى قبل ده ادو كويس ده غير ان ماتش التسيك الفرق كان نقطه وكان ممكن مصر تكسب كمان لولا غباوه الحكم

لأ معلش يامنعم متقلش غباوة الحكم
قول ان احنا لما بنتقدم بفارق كبير بنحس ان احنا خلاص كسبنا وبنسيب المتش
والدليل ان نفس السيناريو حصل في المتشين بتوع اسبانيا والتشيك

ده جدول مباريات الدور التاني

وانتظرو جدول كأس الرئيس

ده الجدول بتاع كأس الرئيس الشرفيه اللي منتخبنا الوطني هيكمل فيها

من الجدول ممكن تعرف مواعيد منتخبنا الوطني ودعواتكم بقى معانا

ياااااااااااااااااااااااااااااارب نحقق مركز مشرف على الاقل

خلاص للاسف راحت

» سر خطوط اليد!!
» عقوبة قاسية من الإتحاد المصري لكرة القدم على مانويل جوزيه مد
» الحكمه من وضع اليد اليمنى تحت الخد الايمن!!
» نهايه العالم
» اغلس واحد ف العالم!!!!!!!