عقوبة قاسية من الإتحاد المصري لكرة القدم على مانويل جوزيه مد

في واحد من المواسم السيئة تنظيمياً وتحكيمياً ... في الدوري المصري .. قررت لجنة المسابقات بالإتحاد المصري لكرة القدم توقيع عقوبة الإيقاف 4 مبارايات على مدرب النادي الأهلي المصري لكرة القدم لإحتجاجه بشكل غير لائق على حكم مباراة الأهلي مع حرس الحدود الأخيرة .. واعتراضه على إنذار لاعب الأهلي " التونسي " أنيس بوجلبان .. لسبب رأى جوزيه أنه مبالغ فيه وأن الفريق الآخر ارتكب ما يفوقه من خشونة متعمدة .. بخلع الجاكيت .... ودعمت لجنة المسابقات عقوبة الإيقاف بغرامة قدرها 50 ألف جنيه وهي أكبر غرامة يفرضها الإتحاد المصري في تاريخه ..لإهانته الحكام في المؤتمر الصحفي بعد المباراة
وفي إطار العقوبات التنظيمية .. غرمت اللجنة محمود سعد المدرب العام لنادي الزمالك خمسة آلاف جنيه لإحتجاجه على الحكم المساعد لمباراة الأوليمبي مع الزمالك بالأسكندرية ونزوله الملعب .. وكذلك اللاعب عمرو زكي لاعب الزمالك بعقوبة خمسة آلاف جنيه غرامة .. لمحاولته الإعتداء على الحكم لإلغاء هدف للزمالك يراه عمرو هدفاً رآه الحكم غير ذلك .. من دون إيقاف
وكذلك غرامة خمسة آلاف جنيه على نادي الأوليمبي لتهديده بالإنسحاب بعد احتساب ركلة جزاء يراها غير صحيحة عكس قرار الحكم .. وتغريم نادي الإتحاد السكندري خمسة آلاف جنيه لإلقاء جمهوره الزجاجات على الملعب في مباراته مع الترسانة يوم الخميس الماضي ..
الغريب والمضحك أن لجنة المسابقات في الأسبوع قبل الماضي عاقبت " وائل حبيب " إداري أسمنت السويس بغرامة 2000 جنيه " لإعتدائه على حكم لقاء أسمنت السويس مع حرس الحدود بالسويس " وكأنها وضعت تسعيرة .. ضرب الحكم يساوي 2000 جنيه والإحتجاج عليه يساوي 5000 جنيه ..

.
.
.
ودمتم
و
د
م
ت
م
نقلا عن موقع كوووره

ديه كوسة فى مصر والواحد ميقدرش يقول اكتر من كدة

وكدة مش هناخد كاس العالم مرتين ورا بعض

كوسه كوسه كوسه كوسه

كوسه قصدكم ايه فى الكوسه يعنى

واحد قلع هدومه الجاكت والقميص وكشف بطنه وكان نازل على بنطلونه

ياراجل ده حلمى طولان لما اعترض على الحكم من غير ميعمل حاجه اتوقف سته شهور

والاخ جوزيه لما عمل الحركه بدراعه محدش كلمه ومكنش فى عقوبه ولما غلط فى طه بصرى وقاله انت بتلعب لعب شوارع محدش كلمه ولما غلط فى الصحافه كلها محدش كلمه وكتييييييييييير

يا وليد انت بتفهم ومش متعصب
جوزيه العقوبه دى مش كافيه

معاك ياحماده في كل كلامك
كلو صح
وعلى دماغي من فوق
بس
وآه من بس دي
......
بس لو هنحاسب جوزيه يبقى كلو يتحاسب بقى
يعني حكاية الحكم بتاع متش الإسماعيلي
وحاجات كتير ملهاش لزمه كده
يعني مثلا حكاية الإلتحام القوي مع لاعبي الأهلي امام صمت الحكم
حاسبو الحكم واللي جايبو
وانا موافق على عقاب جوزيه
هي دي الفكره
مش نظام واحد يضرب التاني ولما التاني يرد يبقى هو الغلطان عشان مارحش قال لمامته مع اني اعتقد ان جوزيه قال لمامته بس الكوسه بتنيم كل حاجه
.
.
.
ودمتم
و
د
م
ت
م

بس ياباشا

منتكلمش على التحكيم كتير لان غلطاته مغرقه الدنيا ومتنساش

ولا بلاش عشان مندخلش فى حوارات تانى

المهم انت لو شفت اخر ماتش للزمالك مع الاوليمبى وشفت غلطات الحكم مش هقولك نقلع هدومنا هقولك ................

ولا بلاش

ايه ياحماده منا اتفرجت عالماتش واه فيه جون اتلغبى بس قصاده ادلكم ضربه جزاء ملهاش اى اساس من الصحه ده كمان اتضح ان عمرو زكى هوا اللى كان بيشد المدفع من الشورت قولت ايه بقى؟

قلت اقفلوا الموضوع بليييييييييييييييز

انتوا اى موضوع كده تقلبوه كوره

ياخى اهوا دورى ابطال اوروبا هايبتدى وهنتفرج على كوره بجد وننسى العك اللى بيحصل

الواد ده صح الصح

بلا اهلى بلا زمالك خلينا فى الريال ومانشستر

عليه النعمه انتو ميه ميه

» تغطية كأس العالم لكرة اليد
» عقوبة الكذب عند النمل, منقول
» جماهير الإتحاد الغاضبة تحطم أتوبيسات الجماهير التي خرجت في ح
» أهلاوى
» توقعوا إنهيار كامل في التحكيم بالدوري المصري !